მე ადამიანი ვარ უფლებებით!

პროექტის პროდუქტები

ბიბლიოგრაფია

გსურთ ნახოთ აუტიზმის განმარტება იხილეთ აქ .

ასევე, თუ გსურთ იხილოთ მასალა თავისუფალი ენციკლოპედიდან დააკლიკეთ აქ.

შეფასების რუბრიკა

რა იყო პროექტის მსვლელობისას შენთვის საინტერესო
რა ისწავლე პროექტიდან
რა გააკეთე პროექტისთვის
რა გააკეთე კარგად? რა იყო შენი წარმატების მიზეზი?
რა ვერ გააკეთე კარგად? რა იყო შენი წარუმატებლობის მიზეზი?
რა გინდა რომ გააკეთო შემდეგში უკეთ?

   

                                        პროექტის შეფასების რუბრიკა

კრიტერიუმი	ინდიკატორი	შეფასება	მიღებული ქულა
მასალების მოგროვება	აქვს მხოლოდ მწირი ინფორმაცია პრობლემის შესახებ.	1 - 3
	აქვს ინფორმაცია და გამომწვევი მიზეზები, მაგრამ არ აქვს გადაჭრის გზები.	4 - 5
	აქვს ინფორმაცია პრობლემის გამომწვევი მიზეზები, გადაჭრის გზები, მაგრამ არ აქვს ფოტო და ვიდეო მასალა. არ აქვს ინფორმაციის წყარო.	6 - 7
	სრულად აღწერს პრობლემას, მის გამომწვევ მიზეზებს და გადაჭრის გზებს. აქვს ფოტო და ვიდეო მასალა, მითითებული ინფორმაციის წყარო.	8 - 10
გუნდურ პროექტში მოსწავლეთა მუშაობის ეტაპი	ისტ არ არის გამოყენებული.	1 - 3
	მოუწესრიგებელია: ისტ გამოყენებულია მხოლოდ ერთი მოსწავლის მიერ, არ ჩანს სხვა მოსწავლეების ჩართულობა.	4 -5
	მოწესრიგებულია: ისტ-ის გამოყენება მრავალფეროვანია, ზოგჯერ შეუსაბამოა დავალებასთან.	6 - 7
	კარგად არის ორგანიზებული, ჩანს მოსწავლის მიერ ფუნქციათა განაწილება.	8 - 10
პროექტზე მუშაობის პროცესისა და შედეგების წარდგენის ეტაპები	ისტ არ არის გამოყენებული ან საერთოდ არ შეესაბამება დავალებას.	1 - 3
	მოუწესრიგებელია: ისტ გამოყენებულია მცირე დოზით, არ აქვს საპრეზენტაციო ფორმა.	4 - 5
	მოწესრიგებულია: ისტ-ის გამოყენება ზოგჯერ შეუსაბამოა.	6 - 7
	კარგად არის ორგანიზებული, გამოყენებულია საპრეზენტაციო პროგრამა.	8 - 10
ქულათა ჯამი
საბოლოო შეფასება	ქულათა ჯამი გაყოფილი 3-ზე

პროექტის გეგმა

სოციალური პროექტის ,,ჩემი სამყაროს’’გეგმა

სოციალური პროეტის ხელმძღვანელი
სახელი და გვარი	ია მეტრეველი
თანამდებობა	ქიმია-ბიოლოგიის მასწავლებელი
რაიონი	გორი
სკოლა	სსიპ ერგნეთ-მამისანთუბნის საჯარო სკოლა
თემის დასახელება	,,ჩემი სამყარო’’აუტიზმის შესახებ ცნობადობის დონის ამაღლება
საფეხური/კლასი	საშუალო/მე-10, მე-11 კლასი
განხორციელების დრო	2 კვირა
აზროვნების ზედა დონის უნარები	დაგეგმვა,ორგანიზება,კვლევა,თანამშრომლობა,კრიტიკული და შემოქმედებითი აზროვნება
პრობლემა/პროექტის აქტუალურობა         საზოგადოებაში ძალიან დაბალია აუტიზმის შესახებ ცნობიერების დონე.ამერიკის დაავადებათა კონტროლის და პრევენციის ცენტრის მონაცემებით კი,88 ბავშვში ერთი აუტისტია.ეს არის დაავადება,რომელიც ყოველ წელს პროგრესირებს(გასული საუკუნის 60-ან წლებთან შედარებით შემთხვევები 4-5-ჯერ არის გაზრდილი).აუტიზმი გვხვდება მსოფლიო მოსახლეობის ყველა რასისა და სოციალური მდგომარეობის ადამიანთა შორის.ბიჭები უფრო ხშირად ავადდებიან,ვიდრე გოგონები.აუტიზმის დაავადებულთა რიცხვის ზრდა ეკოლოგიურ დაბინძურებებასთან პირდაპირ კავშირშია.ამიტომ,საჭიროა საზოგადოების ცნობიერების დონის ამაღლება ამ დაავადების მიმართ. პროექტის მიზნები/შედეგები მოსწავლეების მიერ აუტიზმის შესახებ მოძიებული მასალის დამუშავება ტექნოლოგიების გამოყენებით. მოსწავლის მიერ დამუშავებული ინფორმაციის საფუძველზე პროდუქტის შექმნა (ბუკლეტი,კედლის გაზეთი,პრეზენტაცია). პროექტის განხორციელების შემდეგ ამაღლდება ცნობიერების დონე აუტიზმის შესახებ როგორც მოსწავლეებში,ასევე საზოგადოებაში. პროექტის მდგრადობა     პროექტის მდგრადია,ვინაიდან იგი არსებობას გააგრძელებს დამთავრების შემდეგაც.აუტიზმი არის პრობლემა,რომლის შესახებაც მუდმივად უნდა ხდებოდეს საზოგადოების ინფორმირებულობა.საზოგადოება უნდა შეეჩვიოს ასეთ ადამიანებთან ურთიერთობას.არ უნდა გაკიცხოს ისინი მეტად თავისებური ქცევის გამო.მშობლებმა არ უნდა მოითხოვონ,რომ აუტისტმა ბავშვმა ცალკე უნდა ისწავლოს.პირიქით,სსსმ მოსწავლე ხომ თანაკლასელებისაგან სწავლობს მოქცევის წესებსა და ურთიერთობას.თავის მხრივ კი, რიგითი მოსწავლეც სწავლობს მისგან ოდნავ განსხვავებულთან ურთიერთობას.ხდება მეტად მზრუნველი და ტოლერანტული.ამიტომ პროექტის ფარგლებში,მოხდება რჩევების მიცემა კლასის დამრიგებლებისათვის.ამ  თემაზე კლასის საათის ჩატარებისას შესაბამისი ფილმების ჩვენება/განხილვის მოწყობა.ვფიქრობ ამით ხელი შეეწყობა ინფორმირებული,სრულფასოვანი მოქალაქეების და სამოქალაქო საზოგადოების ჩამოყალიბებას. თემის შინაარსი      სოციალური პროექტის განხორციელების პროცესში ვიყენებ ელექტრონულ ფოსტას gmail.com სკოლის გარეთ ურთიერთობისთვის,რათა მოსწავლეებს გავუგზაცნო ინტერნეტით მოძიებული მასალები,პრეზენტაციის,ბუკლეტისა და კედლის გაზეთის მოსამზადებლად.ასევე მათგან უკუკავშირის მისაღებად. პირველი ეტაპი: მოსწავლეებთან ერთად განვიხილავთ ინერნეტით მოძიებულ მასალებს.ვაწარმოებთ გამოკითხვას მოსწავლეებში და მოსახლეობაში აუტიზმის შესახებ ინფორმირებულობის დონის დასადგენად. მეორე ეტაპი: ხდება მოსწავლეთა დაყოფა ჯგუფებად,სხვადასხვა ფუნქციების შესასრულებლად(კედლის გაზეთი,საიფორმაციო ბუკლეტი,პრეზენტაცია). მესამე ეტაპი: მოსწავლეები ახდენენ გამოკითხვას,მოძიებული მასალისა და ჩემი დახმარებით ამზადებენ პროექტის პროდუქტებს. მეთხე ეტაპი: მოეწყობა პრეზენტაცია სკოლაში და დაწყებითი კლასის მოსწავლეების მონაწილეობით მოეწყობა ნახატების გამოფენა პროექტის თემასთან დაკავშირებით. პროექტის განხორციელების რისკები და შესაძლო ხელისშემშლელი ფაქტორები გამოკითხვის ან ბუკლეტების დარიგების  დაგეგმილ დღეს წვიმიანი ამინდი უარი გამოკითხვის ჩატარების დროს ტექნიკური პრობლემები (ინტერნეტკავშირის გათიშვა ან არარსებობა, ელექტროენერგიის გათიშვა და ა.შ). შინაარსობრივი სტანდარტები და ინდიკატორები პრიორიტეტული გამჭოლი კომპეტენციები: ა) წიგნიერება. თანამედროვე გაგებით წიგნიერება არის ცვალებად კონტექსტში კითხვის,წერის,ინფორმაციის დამუშავების,იდეების და მოსაზრებების გამოთქმის,გადაწყვეტილებების მიღებისა და პრობლემის მოგვარების უნარი იმ ცოდნის საფუძველზე,რომელსაც ადამიანი მთელი ცხოვრების განმავლობაში იძენს. გ) ციფრული წიგნიერება (იგივეა რაც კომპიუტერული წიგნიერება). თანამედროვე          მსოფლიოში საკომუნიკაციო და ციფრული ტექნოლოგიების განვითარებამ წიგნიერების ცნება კიდევ უფრო გააფართოვა. იგივე ამჟამად მოიცავს ქსელური ძიების,ტექსტების ელექტრონული დამუშავებისა და ტექსტური შეტყობინებების პროგრამების გამოყენების უნარსაც,რასაც მთლიანობაში ციფრული წიგნიერება ეწოდება.ინფორმაციული და საკომუნიკაციო ტექნოლოგიების გამოყებება ხელს უწყობს შემოქმედებითი და ინოვაციური მიდგომების გამომუშავებას მოსწავლეებში. ი) სოციალური და სამოქალაქო კომპეტენცია. სამოქალაქო და სოციალური კომპეტენცია გულისხმობს სამოქალაქო ცხოვრებაში ინტეგრაციისათვის აუცილებელი ისეთი უნარებისა და ღირებულებების ჩამოყალიბებას როგორებიცაა: კონსტრუქციული თანამშრომლობა,პრობლემების მოგვარება,კრიტიკული და შემოქმედებითი აზროვნება. გადაწყვეტილების მიღება,შემწყნარებლობა,სხვისი უფლებების პატივისცემა,დემოკრატიული პრინციპების აღიარება და სხვა. მიმართულება:  ისტ რესურსების შექმნა ისტ ტექნ. VI.1 მოსწავლეს შეუძლია სხვადასხვა სახის ციფრული საშუალების შერჩევა და გამოყენება ციფრული მასალის შექმნისას შედეგი თვალსაჩინოა, თუ მოსწავლე: აუდიტორიის მოთხოვნების და საკუთარი (ან ჯგუფის) მიზნების გათვალისწინებით,ამზადებს პრეზენტაციას/სლაიდებს საკუთარ (ან ჯგუფის) მოსაზრებების წარმოსაჩენად ან მუშაობის შედეგის სადემონსტრაციოდ. გაიაზრებს განსხვავებას პრეზენტაციასა და სხვა სახის ვიზუალურ და საკითხავ მასალას შორის. მიმართულება:  კვლევა და კომუნიკაცია ისტ ტექნ.VI.4.მოსწავლეს შეუძლია სხვადასხვა სახის ციფრული საშუალებების შერჩევა და გამოყენება კომუნიკაციისათვის და თანამშრომლობისათვის. შედეგი თვალსაჩინოა, თუ  მოსწავლე: იყენებს საკომუნიკაციო საშუალებებს იდეების, ინფორმაციის და ციფრული მასალის გასავრცელებლად და მონაწილეობს ერთობლივ პროექტებში ციფრული მასალის შესაქმნელად. პროექტის კალენდარი ჯგუფების შექმნა და ფუნქციების განაწილება - 20.03.2019წ გამოკითხვის დაგეგმვა - 21.03.2019წ. მოძიებული მასალების განხილვა,დახარისხება, შენახვა და დამუშავება ელექტრონულად ( ერთი კვირის მანძილზე). ბლოგის შექმნა და მასალების გამოქვეყნება (ეტაპობრივად პროექტის მიმდინარეობისას). ურთიერთობა და თანამშრომლობა ერთმანეთთან რეგულარულად (ორი კვირის განმავლობაში).    ბუკლეტების დარიგება - 28.03.2019წ.—29.03.2019წ. გაზეთის გამოკვრა და პრეზენტაცია - 02.04.2019წ. ნახატების გამოფენა- 02.04.2019წ. სოციალური საჭიროებები მივცემ მითითებებს მასალების მოძიების, ბუკლეტის,გაზეთის,პრეზენტაციის მომზადების პერიოდში მივაწვდი ბუკლეტის შაბლონებს შეფასების ინსტრუმენტების მოკლე მონახაზი       პროექტი იწყება გამოკითხვით და გონებრივი იერიშით,რომლის მიზანია მოსწავლეთა ინფორმირებულობის განსაზღვრა.მათი ინტერესის გაღვივება,მუშაობის წინ მოტივაციის ამაღლება.პროექტის განმავლობაში მოსწავლეთა აზროვნების ზედა დონის უნარ-ჩვევების ხელშეწყობის და მათ მიერ თემატიკის გაგების ხარისხის მონიტორინგისათვის გამოკითხვაც გამოიყენება.პროექტის დასაწყისში წარვადგენ ჯგუფური მუშაობის თვითშეფასებისა და ურთიერთშეფასების რუბრიკას და პროექტზე მუშაობის რუბრიკას,რათა მოსწავლეებმა პროექტზე მუშაობის დაწყებამდე მიიღონ ინფორმაცია მათ მიმართ პროექტის მოლოდინების შესახებ და შეძლონ  მუშაობის განმავლობაში დადებითი და უარყოფითი მხარეების გამოვლენა.ეს კი,დამეხმარება მე მომავალი პროექტების დაგეგმვა განხორციელებაში.მუშაობის პროცესში მოსწავლეებს დავეხმარები საჭიროებისამებრ.შევაფასებ მათ პროგრესს და დავაკვალიანებ.წავახალისებ მოსწავლეებს გაუზიარონ უკუკავშირი ერთმანეთს პროექტის დასრულების შემდეგ.ბოლოს გამოვიყენებ პროექტის შეფასების კითხვარს და პროექტზე მუშაობის შეფასების რუბრიკას,რომელსაც ექნება განმავითარებელი ხასიათი. საბაზისო უნარ-ჩვევები ინტერნეტში მუშაობის უნარ-ჩვევები ტექნიკური უნარ-ჩვევები (Microsoft Office Word,    Microsoft Office Power Point) ინტერნეტ რესურსების მოძიების უნარები ტექნოლოგია - ტექნიკა კომპიუტერი ინტერნეტკავშირი პროექტორი საბეჭდი მანქანა - პრინტერი ტელეფონი ტექნოლოგია- პროგრამული უზრუნველყოფა ელ-ფოსტის პროგრამა ინტერნეტძიება Microsoft Office Word Microsoft Office Power Point ინტერნეტ რესურსები: http://www.nplg.gov.ge/gwdict/index.php?a=term&d=13&t=1752 https://www.medicalnewstoday.com/articles/323758.php http://b2p.ge/ra-aris-autizmi/ https://www.google.ge/search?q=%E1%83%A0%E1%83%90+%E1%83%90%E1%83%A0%E1%83%98%E1%83%A1+%E1%83%90%E1%83%A3%E1%83%A2%E1%83%98%E1%83%96%E1%83%9B%E1%83%98&source=lnms&tbm=isch&sa=X&ved=0ahUKEwjvjvH-x9bhAhUQcZoKHaJuAnYQ_AUIDigB&biw=1366&bih=657

პროექტის რეფლექსია

   რეფლექსია

        2018-2019 სასწავლო წლის II სემესტრში დავგეგმე სოციალური პროექტის ,,ჩემი სამყარო’’ განხორციელება.პროექტის დაგეგმვის მიზანი იყო აგვემაღლებინა საზოგადოების ცნობიერების დონე აუტიზმთან დაკავშირებით.სამიზნე ჯგუფად შევარჩიე X -XI კლასის მოსწავლეები. დამატებითი მუშაობის საინტერესოდ წარმართვისათვის ეფექტურია და მნიშვნელოვანია მოსწავლეთა ინტერესებისა და შესაძლებლობების დადგენა.ეს სამუშაოს წარმატების,მოსალოდნელი პრობლემის გადაჭრისა და ინიციატივის განხორციელების ერთ-ერთ წინაპირობად მიმაჩნია.

      პროექტის მიზნის გაცნობამ მოსწავლეებში დიდი ინტერესი გამოიწვია .ვინაიდან, მათაც მწირი ინფორმაცია ჰქონდათ აუტიზმთან დაკავშირებით. მოსწავლეების მაღალი მოტივაციიდან  გამომდინარე შევიმუშავე გეგმა,როგორ,და რა ვადებში,რა რესურსებით ვიმუშავებდი მათთან.პროექტი დავგეგმეთ და განვახორციელეთ ორი კვირის განმავლობაში (20.03.2019წ.- 02.-04.2019წ.).შევიმუშავეთ ქცევის წესები,რომელთა დაცვა უზრუნველყოფდა ეფექტურ მუშაობას.ვმუშაობდით გუნდურად,ჯგუფურად,ინდივიდუალურად.მოვიძიეთ რესურსები,დამხმარე ლიტერატურა და დავგეგმეთ როგორი აქტივობებით ჩავატარებდით თითოეულ შეხვედრას.

       მუშაობა წარიმართა ოთხ ეტაპად:

1. მოსწავლეებთან ერთად მოვახდინეთ ჯგუფების შექმნა.ჯგუფებმა გადაინაწილეს დავალებები. I ჯგუფმა მოამზადა ბუკლეტები,II ჯგუფმა კედლის გაზეთი,III  ჯგუფმა პრეზენტაცია,IV ჯგუფმა კი აწარმოა გამოკითხვა.
2. მოსწავლეებთან ერთად მოვახდინეთ მოძიებული მასალის დახარისხება.დავგეგმეთ გამოკითხვის ჩატარების დღე როგორც მოსწავლეებში და მასწავლებლებში, ასევე მოსახლეობაში.
3. მოსწავლეებმა ჩაატარეს გამოკითხვა,მოძიებული მასალის  და ჩემი დახმარებით მოამზადეს პროექტის პროდუქტები,რომლებიც ეტაპობრივად განვათავსეთ ბლოგზე.
4. 2 აპრილს მოეწყო პრეზენტაცია სკოლაში და დაწყებითი კლასის მოსწავლეებმა მოაწყეს საკუთარი ნახატების გამოფენა აღნიშნულ თემასთან დაკავშირებით.პროექტზე მუშაობა წარიმართა ეროვნული სასწავლო გეგმის და პრიორიტეტული გამჭოლი კომპეტენციების მოთხოვნის შესაბამისად.

                        

        

            საინტერესო და შემოქმედებითი იყო შეხვედრები.გამოიკვეთა ძლიერი და სუსტი მხარეები.მასალის მრავალფეროვნების გამო წავაწყდით სირთულეებს.თუმცა, ინტერნეტი გვიწევდა ეფექტურ დახმარებას.სხვადასხვა ინტერნეტ რესურსი და ტექსტები საშუალებას გვაძლევდა პრობლემები სწრაფადვე დაგვეძლია.

              პროექტზე მუშაობის დროს მოსწავლეებმა ისწავლეს საინფორმაციო ბუკლეტის დამზადება, გაიწაფნენ Microsoft Pover Point  პროგრამის მეშვეობით პრეზენტაციის მომზადებაში.ინფორმაციის მოძიებასა და დახარისხებაში.დაგეგმილმა აქტივობებმა მოსწავლეებს აუმაღლა მოტივაცია,ინტერესი,გაუუმჯობესდათ დამოუკიდებელი მუშაობის,ჯგუფური,თანამშრომლობითი თუ წყვილებში მუშაობის უნარ-ჩვევები. გაუღრმავდათ კომუნიკაციის,მეგობრობის,გულშემატკივრობის თვისებები.განუვითარდათ კრიტიკული და შემოქმედებითი აზროვნების,გადაწყვეტილების მიღების,შემწყნარებლობის,სხვისი უფლებების პატივისცემის,დემოკრატიული პრინციპების აღიარების უნარები.ეს ყოველივე ხომ XXI საუკუნის ძირითადი უნერ-ჩვევებია,რომელთა გარეშეც მოსწავლეებს გაუჭირდებათ სოციუმში ადაპტირება.

        პროექტზე მუშაობის პერიოდში გამოვლინდა მცირეოდენი ხელისშემშლელი ფაქტორები.მაგ: გამოკითხვისთვის დაგეგმილ დღეს ძლიერი წვიმა და ქარი,რის გამოც მოგვიწია გამოკითხვა გადაგვეტანა მომდევნო დღეებში.პრეზენტაციის აწყობის დროს გაითიშა ელექტროენერგია.მუშაობის მსვლელობამ კიდევ ერთხელ დამაჯერა დამატებითი მუშაობის ეფექტურობაში.გაიზარდა მოსწავლეების ინტერესები და მოტივაცია.მიზნად დაისახეს მომავალში უკვე მიღებული გამოცდილებით და მეტი ცოდნით შექმნან უკეთესი პროდუქტი.ამასთან ციფრული ტექნოლოგიების გამოყენებამ მუშაობის პროცესი ბევრად დინამიური და მრავალფეროვანი გახადა.მუშაობის ასეთი ფორმა არის ინტერაქტიური და მოსწავლეებს საშუალება მისცა აქტიურად ჩართულიყვნენ მუშა პროცესში.

           საერთო ჯამში პროექტზე მუშაობას ვთვლი დამაკმაყოფილებლად.ვინაიდან,გაიზარდა ინფორმირებულობის დონე მოსწავლეებსა და საზოგადოებაში,რაც ხელს შეუწყობს ინფორმირებული,სრულფასოვანი მოქალაქეებისა და სამოქალაქო საზოგადოების ჩამოყალიბებას.